Ymunodd Claire Hughes AS ag aelodau o’r gymuned Keralaidd a Bwrdd Iechyd Prifysgol Betsi Cadwaladr ar gyfer dathliad arbennig o Onam yn Llanfairfechan.
Mae Onam yn ŵyl draddodiadol o Kerala sy’n dathlu dychwelyd adref, y cynhaeaf a helaethrwydd, gydag egwyddorion cydraddoldeb, urddas a rhannu ffyniant wrth ei chalon.
Daeth y dathliad â chydweithwyr o Fwrdd Iechyd Prifysgol Betsi Cadwaladr (BIPBC) ac aelodau o’r gymuned Keralaidd yng Ngogledd Cymru ynghyd am noson o berfformiadau, bwyd a dathlu.
Dywedodd Claire Hughes AS:
“Roedd yn anrhydedd ac yn fraint cael bod yn westai arbennig yn nathliad Onam BIPBC yn Llanfairfechan.
“Mae gan Onam neges mor bwerus wrth ei chalon: dychwelyd adref, y cynhaeaf a helaethrwydd, ond hefyd cydraddoldeb – y syniad y dylai pawb gael eu trin ag urddas ac y dylai ffyniant gael ei rannu.
“Mae’r cysylltiad rhwng Bwrdd Iechyd Prifysgol Betsi Cadwaladr a’r gymuned Keralaidd yn gwneud y dathliad hwn hyd yn oed yn fwy ystyrlon, gan ddod â phobl, diwylliannau a chymunedau ynghyd mewn ffordd mor gadarnhaol a llawen.
“O’r perfformiadau gwych i’r bwyd anhygoel, cefais fy syfrdanu gan gynhesrwydd y croeso o’r eiliad y cyrhaeddais.
“Diolch enfawr i Mr Jobin Matthew am drefnu’r dathliad, ac i bawb a weithiodd mor galed y tu ôl i’r llenni. Rwy’n hynod ddiolchgar fy mod wedi cael rhannu mewn dathliad mor hyfryd o ddiwylliant, cymuned ac undod yma yng Ngogledd Cymru.”
